მაკა საღირაშვილს პოლიტიკური საქმიანობის გამო თავს დაეხსნენ და დაემუქრნენ.

ერთიანი ნაციონალური მოძრაობის აქტივისტ მაკა საღირაშვილთან გასაუბრების შემდეგ იკვეთება, რომ ოპოზიციური პარტიის მხარდამჭერებზე სისტემატურად ხორციელდება როგორც ფსიქოლოგიური, ისე ფიზიკური ზეწოლა.

მისი მონაყოლიდან ჩანს, რომ ოპოზიციურ საქმიანობაში ჩართული პირები ხშირად ხდებიან დაშინების, მუქარისა და ძალადობის სამიზნე. მსგავსი ფაქტები, როგორც თავად აქტივისტი აღნიშნავს, მიზნად ისახავს მათზე ზემოქმედებას, რათა მათ უარი თქვან პოლიტიკურ აქტიურობაზე და საზოგადოებრივ პროცესებში მონაწილეობაზე. მაკა საღირაშვილის თქმით, მის შემთხვევაში მუქარები და ფიზიკური თავდასხმა პირდაპირ უკავშირდებოდა მის პოლიტიკურ პოზიციასა და ოპოზიციური შეხვედრებში მონაწილეობას. ოპოზიციური აქტივისტი მაკა საღირაშვილი აცხადებს, რომ მისი თქმით, მასზე განხორციელებული თავდასხმა პირდაპირ უკავშირდება მის პოლიტიკურ საქმიანობას და ოპოზიციურ შეხვედრებსა და საპროტესტო აქციებში მონაწილეობას.

საღირაშვილის განცხადებით, თავდასხმამდე ცოტა ხნით ადრე მან საკუთარ სახლთან შემაძრწუნებელი გზავნილი აღმოაჩინა. მისი თქმით, კართან დადებული იყო ე.წ ვენოკი, რომელსაც თან ერთვოდა გზავნილი შემდეგი სიტყვებით: ,,მაკა, მალე ასეთ ვენოკებს შენს საფლავზე დავალაგებთ”.

აქტივისტი ამბობს, რომ აღნიშნული ფაქტი აშკარა მუქარა იყო და მასზე მძიმე ფსიქოლოგიური გავლენა მოახდინა.  „როდესაც ეს დავინახე, ძალიან შემეშინდა. მივხვდი, რომ მიზანმიმართულად მაშინებდნენ ჩემი პოლიტიკური აქტიურობის გამო,“ – აცხადებს საღირაშვილი.

მისივე თქმით, მიუხედავად მუქარისა, მან არ შეწყვიტა პოლიტიკური აქტიურობა და აგრძელებდა ოპოზიციურ შეხვედრებზე დასწრებას. 2022 წლის 16 მარტს ის იმყოფებოდა პარტია „ერთიანი ნაციონალური მოძრაობის“ ოფისში, თბილისში, კახეთის გზატკეცილზე, სადაც გაიმართა შეხვედრა პარტიის წარმომადგენლებთან.

აქტივისტის თქმით, შეხვედრის დასრულების შემდეგ, როდესაც სახლში ბრუნდებოდა, მასზე თავდასხმა განხორციელდა.

„სახლთან დამხვდა მანქანა, რომელშიც იჯდა ადამიანი, რომელიც გამეცნო ხარებას სახელით. მან ხელი დამიქნია და ცინიკურად გამიღიმა. იმავე დროს ჩემთან ორი ადამიანი მოვიდა და მოულოდნელად დამესხნენ თავს. ერთ-ერთი მათგანი ე.წ ,,ზონდერი’’ ლაშა ჭიკაიძე იყო, მეორე პირი ვერ ვიცანი,“ – აცხადებს საღირაშვილი.

მისი თქმით, თავდამსხმელები მას ფიზიკურად გაუსწორდნენ და თან ემუქრებოდნენ.  „მეუბნებოდნენ, რომ მალე ვენოკებს გულზე დამადებდნენ ჩემს საფლავზე. ყველაფერი ძალიან სწრაფად მოხდა. შოკში ვიყავი და ვერ ვხვდებოდი როგორ დამეცვა თავი,“ –  აცხადებს ის. დასკვნის სახით შეიძლება ითქვას, რომ მაკა საღირაშვილის მიერ აღწერილი ფაქტები კიდევ ერთხელ აჩენს კითხვებს ოპოზიციური აქტივისტების უსაფრთხოების შესახებ. მისი მონაყოლიდან იკვეთება მუქარის, დაშინებისა და ფიზიკური ძალადობის ნიშნები, რაც მიუთითებს შესაძლო სისტემურ პრობლემაზე პოლიტიკური ოპონენტების მიმართ დამოკიდებულებაში. მსგავსი შემთხვევები საჭიროებს შესაბამისი ორგანოების მხრიდან ობიექტურ და სრულყოფილ გამოძიებას, რათა დადგინდეს ყველა გარემოება და უზრუნველყოფილი იყოს მოქალაქეთა უსაფრთხოება და მათი პოლიტიკური უფლებების თავისუფლად განხორციელება.

სტატიის ავტორი: სალომე სამადაშვილი